Innalillahi Wainaa ilaihirajiun Wata Mata me Ciki ta rasu a Asibitin Kano Sanadiyyar Kin Karbar Tsofaffin Kudade.

Advertisements

Innalillahi Wainaa ilaihirajiun Wata Mata me Ciki ta rasu a Asibitin Kano Sanadiyyar Kin Karbar Tsofaffin Kudade.

Wàtà mata maì shekarù 32 mai súna Shema’u Saní Labaran ta rasu tana dauke da ciki wata tara a asibitin kwararru na Abdullahi Wase dake Kano, sakamakon gaza biyan kudin magani da ‘yan uwanta suka yi. An nemi ku?in ne su zama sabbin takardun kudi na naira ko kuma ta hanyar tura wa.

Kafin Shema’u ta rasa ranta, mahaifiyar ‘ya’ya uku ta yi fama da ciwo sama da awanni takwas ba tare da samun kulawa daga ma’aikatan da ke bakin aiki ba.

Advertisements

Da yake ba da labarin abin takaicin da ya yi sanadin mutuwar matarsa, mijin mamaciyar mai shekaru 42, Bello Ali Baffa ya shaida wa manema labarai cewa Shema’u ta rasu ne a lokacin da yake ta faman neman hanyar biyan kudin magani agurin sai da magani.

Baffa ya bayyana yadda ya shafe sa’o’i yana jiran mai karbar kudi ya tabbatar da biyan kudin magani N8,528 saboda asibitin ya daina karbar tsoffin takardun naira.

Advertisements

Ya kara da cewa bai ji dadin yadda ma’aikatan lafiya suka dage cewa ba za su kai wa marigayiyar matarsa dauki ??ba har sai ya ajiye kudin da ya dace da kuma bayar da shaida kafin a kai ta.

Baffa ya ce tun da farko ya baiwa mai karbar kudi naira 8,500 tsohon takardun kudi amma sai aka shaida masa cewa hukumar asibitin sun sanya takunkumi kan tsohon kudin kuma babu na’urar POS sai dai yaje wani wajen.

Baffa ya bayyana cewa daga baya likitan ya fito daga dakin karbar haihuwa da misalin karfe 3 na dare, inda ya sanar masa “Allah ya karbi rayuwar matarka da jaririn da ke cikin ta”.

Ko da yake mijin ya ce ya yi imanin Shema’u za ta mutu a daidai lokacin da ya dace, amma ya dage cewa cin mutuncin da asibitin suka yi wa matarsa? Saboda kin amincewa da tsohon takardun naira ya taimaka wajen mutuwarta kwatsam.

Advertisements

Baffa ya bayyana cewa ya yi imani a matsayinsa na musulmi, sai dai ya bukaci gwamnatin jihar da ta binciki manufofinta masu zafi don ceto rayukan wadanda ba su ji ba ba su gani ba daga mutuwa kamar yadda ya rasa Shema’u.

Leave a Comment